Thugin

1. Holy Bible bu 66 - Thuthun Lui bu 39 leh Thuthun Thak bu 27 hi ka gingchau hi. Bible - Thilsiembul apat Thuphuon hi Pathien hatkhum ngei a kizik, zuou ngeilo, bukim leh taksa leh thagau a dinga thuneitu ahi.

2. Pathien khat, kumsawt a um zing, Amah chu Pa leh Chapa leh Thagau Thiengtho ahi.

3. Thagau Thiengtho hi pienthakna pietu, hehnemtu, suthiengtho tu leh gingtute umpihtu ahi.

4. Mihingte hi Pathien mel pu a siem, himahleh gitlohna a puk zieka Pathien gawtna chang, taksa a thihna chauh hilo in thagau lam a thihna, Pathien tawh kikhenna. Mihiem te pientung apat a, akhang akhanga gitlohna zieka mangthai ding himahleh Thagau Thiengtho zieka lungsietna zala ginna a hukdamna.

5. Thawhkitna hi hukdam leh hukdamlohte kawm ale aum hi; hukdamte chuh kumkhuo a Pathien tawh um khawm ding chuleh hukdamlohte chu kumkhuo a gawta um ding ahi.

6. Lalpa Isu Krista a gingtute thagau lama kipumkhatna, zie chuh Sapchuom, Krista taksa ngei chuh ahi.